വത്തിക്കാന്‍ സിറ്റി: കൊറോണയ്‌ക്കെതിരെയുള്ള പോരാട്ടത്തില്‍ മെഡിക്കല്‍ ഉപകരണങ്ങള്‍ നല്കിയ ചൈനയ്ക്ക് വത്തിക്കാന്‍ നന്ദി അറിയിച്ചു. ഏപ്രില്‍ ഒമ്പതിനാണ് വത്തിക്കാന്‍ ചൈനയിലെ റെഡ് ക്രോസ് സൊസൈറ്റിയുടെയും ജിന്‍ഡെ ചാരിറ്റീസ് ഫൗണ്ടേഷന്റെയും സഹായം സ്വീകരിച്ചത്. കൊറോണ പൊട്ടിപ്പുറപ്പെട്ട ചൈനയിലേക്ക് ആറുലക്ഷത്തിനും ഏഴുലക്ഷത്തിനും ഇടയില്‍ മാസ്‌ക്കുകള്‍ വത്തിക്കാന്‍ നേരത്തെ കയറ്റിഅയച്ചിരുന്നു. പിന്നീട് ഇറ്റലിയിലും റോമിലും കൊറോണ വ്യാപിച്ചപ്പോള്‍ പ്രത്യുപകാരമായി ചൈനയില്‍ നിന്നും സഹായമെത്തി. ഇതിന് നന്ദിപറഞ്ഞുകൊണ്ടാണ് ചൈനയ്ക്ക് കത്തെഴുതിയിരിക്കുന്നത്.
