കൃഷ്ണാനഗര്‍: ന്യൂഡല്‍ഹിയിലെ ജവഹര്‍ലാല്‍ നെഹ്‌റു യൂണിവേഴ്‌സിറ്റിയില്‍ നിന്ന് ആദ്യമായി പിഎച്ച്ഡി കരസ്ഥമാക്കിയ കന്യാസ്ത്രീ എന്ന ഖ്യാതിനേടിയ സിസ്റ്റര്‍ ജൂലിയ നാരായന്‍ നിര്യാതയായി. 91 വയസുണ്ടായിരുന്നു. മേഘാലയ മുന്‍ ധനകാര്യമന്ത്രി യുടെ സഹോദരിയായിരുന്നു. 1928 മെയ് 23 നായിരുന്നു ജനനം. എഡ്യുക്കേഷനല്‍ സൈക്കോളജിയിലായിരുന്നു സിസ്റ്റര്‍ പിഎച്ച് ഡി എടുത്തത്. 1982 ല്‍ ആയിരുന്നു അത്. ഏതാനും കന്യാസ്ത്രീകള്‍ മാത്രമേ ഇതുവരെ ജെഎന്‍യുവില്‍ നിന്ന് പിഎച്ച് ഡി എടുത്തവരായിട്ടുള്ളൂ. സിസ്റ്റേഴ്‌സ് ഓഫ് മേരി ഇമ്മാക്കുലേറ്റ് സന്യാസസഭാംഗമായിരുന്നു.
