ദിവ്യരക്ഷകസഭയുടെ (Redemptorists) ലിഗോരി പ്രോവിൻസിലെ അംഗമായ ബഹു. ബിജു മഠത്തിക്കുന്നേൽ വരച്ചതാണ് പുഞ്ചിരിക്കുന്ന ഈശോയുടെ മനോഹരമായ ഈ ചിത്രം. 2010 ൽ പൂർത്തിയായ പെയിന്റിങ് അക്കാലത്ത് തന്നെ നിരവധി കൈസ്തവ പ്രസിദ്ധീകരണങ്ങളുടെ മുഖചിത്രമായിരുന്നു. പുഞ്ചിരിക്കുന്ന ഈശോയുടെ ചിത്രം ഇന്നും അനേകായിരങ്ങൾക്ക് ആശ്വാസമായി നിലകൊള്ളുന്നു. ഒറിജിനൽ പെയിന്റിങ് സൂക്ഷിച്ചിരിക്കുന്നത് ദിവ്യരക്ഷക സഭയുടെ അങ്കമാലിയിലെ മറ്റൂരിലുള്ള പ്രൊവിൻഷ്യൽ ഹൗസിലാണ്. മികച്ച ചിത്രകാരനെന്ന പോലെ തന്നെ അനുഗൃഹീതനായ ഒരു എഴുത്തുകാരനും കൂടിയാണ് ബഹു. ബിജു മഠത്തിക്കുന്നേൽ അച്ചൻ. ശാലോം മീഡിയ അവാർഡിനർഹമായ ബസാലേൽ ഉൾപ്പെടെ എട്ടോളം കൃതികൾ അദ്ദേഹം രചിച്ചിട്ടുണ്ട്. www.art4youandme.com
“…ഞാന്‍ നിങ്ങളോടു പറഞ്ഞത്‌ എന്റെ സന്തോഷം നിങ്ങളില്‍ കുടികൊള്ളാനും നിങ്ങളുടെ സന്തോഷം പൂര്‍ണമാകാനും വേണ്ടിയാണ്‌.”
യോഹന്നാന്‍ 15 : 11
