വെസ്റ്റ് ബംഗാള്‍: വെസ്റ്റ് ബംഗാളിലെ റായ്ഗാന്‍ജ് രൂപതയിലെ ഫാ. ക്ലെമന്റ് കെര്‍ക്കെറ്റായ്ക്ക് വിശ്വാസിസമൂഹം കണ്ണീരോടെ വിട നല്കി. നവംബര്‍ 29 ന് റോഡപകടത്തിലാണ് ഫാ. ക്ലെമന്റ് മരണമടഞ്ഞത്. ഇന്ന് രാവിലെ ബിഷപ് ഫള്‍ജെന്‍സ് അലോഷ്യസ് ടിഗായുടെ മുഖ്യകാര്‍മ്മികത്വത്തില്‍ സംസ്‌കാരം നടന്നു. തന്റെ സുഹൃത്തായ ഫാ. സെലസ്റ്റിന്‍ ബോറയുടെ പൗരോഹിത്യജൂബിലി ആഘോഷത്തില്‍ പങ്കെടുത്ത് തിരികെ വരുന്ന വഴിക്ക് ട്രക്കുമായി കൂട്ടിയിടിച്ചാണ് അപകടമുണ്ടായത്. സംഭവസ്ഥലത്ത് വച്ച്തന്നെ ഫാ. ക്ലെമന്റ് മരണമടഞ്ഞു. സഹയാത്രികനായ ഫാ. എമിലസ് സോറെങ് ഗുരുതരാവസ്ഥയില്‍ ആശുപത്രിയിലാണ്.
