കാണ്ടമാല്‍: കാണ്ടമാലിലെ ക്രൈസ്തവര്‍ മുഖ്യമന്ത്രിയുടെ കോവിഡ് 19 ദുരിതാശ്വാസനിധിയിലേക്ക് സംഭാവന നല്കി. തങ്ങളുടെ ദാരിദ്ര്യത്തില്‍ നിന്ന് നല്കിയ ഈ സംഭാവന വിശുദ്ധ ഗ്രന്ഥത്തിലെ വിധവയുടെ ചില്ലിക്കാശിനെ അനുസ്മരിപ്പിക്കുന്നതായിരുന്നു. മറ്റുള്ളവരുടെ സംഭാവനയുമായി തട്ടിച്ചുനോക്കുമ്പോള്‍ ഞങ്ങളുടേത് വളരെ ചെറിയ സംഭാവനയായിരിക്കാം. പക്ഷേ ഇതില്‍ മുഴുവന്‍ ഞങ്ങളുടെ ഹൃദയത്തിലെ സ്‌നേഹവും ത്യാഗവുമുണ്ട്. റെയ്ക്കിയ ഔര്‍ ലേഡി ഓഫ് കാത്തലിക് ചര്‍ച്ച് പൂജ കമ്മറ്റിയുടെ പ്രസിഡന്റ് ജോഗേന്ദ്ര മാധ്യമങ്ങളോട് പറഞ്ഞു.
