ബ്യൂണസ് അയേഴ്്‌സ്: ബ്യൂണസ് അയേഴ്‌സില്‍ കോവിഡ് 19 ബാധിതരായ മൂന്നു വൈദികര്‍ക്ക് ഫ്രാന്‍സിസ് മാര്‍പാപ്പ സന്ദേശം അയച്ചു. ചേരിയിലെ ദരിദ്രര്‍ക്കിടയില്‍ ശുശ്രൂഷ ചെയ്യുന്ന വൈദികരാണ് കോവിഡ് ബാധിതരായത്. താന്‍ നിങ്ങളുടെ അരികിലുണ്ടെന്നും പ്രാര്‍ത്ഥിക്കുന്നുണ്ടെന്നും മാര്‍പാപ്പ സന്ദേശത്തില്‍ അറിയിച്ചു.ട്വിറ്റര്‍ അക്കൗണ്ട് വഴിയുളള വീഡിയോയിലൂടെയാണ് പാപ്പ സന്ദേശം നല്കിയത്. പ്രാര്‍ത്ഥനയുടെയും ഡോക്ടേഴ്‌സിന്റെയും സഹായത്തോടെ രോഗത്തെ അതിജീവിക്കുമെന്ന പ്രത്യാശയും പാപ്പ പങ്കുവച്ചു.
ഫ്രാന്‍സിസ് മാര്‍പാപ്പ ബ്യൂണസ് അയേഴ്‌സില്‍ ആര്‍ച്ച് ബിഷപ്പായിരുന്ന സമയം മുതല്‌ക്കേ ഈ വൈദികരുമായി അടുത്തബന്ധം പുലര്‍ത്തിയിരുന്നു.
