വത്തിക്കാന്‍ സിറ്റി: വത്തിക്കാന്‍ ഹെല്‍ത്ത് ഫണ്ടിന് പുതിയ ഡയറക്ടറെ ഫ്രാന്‍സിസ് മാര്‍പാപ്പ നിയമിച്ചു. ഇറ്റാലിയന്‍ സര്‍ജന്‍ ജിയോവാനി ബാറ്റിസ്റ്റ ഡോഗ്ലിയെറ്റോ ആണ് പുതിയ ഡയറക്ടര്‍. ഫോണ്ടോ ഡി അസിസ്‌റ്റെന്‍സ സാനിറ്റാറിയ എന്നും വത്തിക്കാന്‍ ഹെല്‍ത്ത് കെയര്‍ ഫണ്ടിന് പേരുണ്ട്. നിലവിലെ ഡയറക്ടര്‍ സ്റ്റെഫാനോ ലേറെറ്റി വിരമിച്ചതിനെ തുടര്‍ന്നാണ് പുതിയ നിയമനം.
റോമിലെ ജെമിലി ഹോസ്പിറ്റലിലെ മുഖ്യസര്‍ജനായി 20 ലേറെ വര്‍ഷമായി ജോലി ചെയ്യുകയായിരുന്നു പുതിയ ഡയറക്ടര്‍. ജോണ്‍ പോള്‍ രണ്ടാമന് നേരെയുണ്ടായ വധശ്രമത്തില്‍ ഓപ്പറേഷന് സഹായിയായും ഇദ്ദേഹമുണ്ടായിരുന്നു. നിലവിലുള്ളതും റിട്ടയര്‍ ചെയ്തതുമായ പരിശുദ്ധ സിംഹാസനത്തിലെ ജോലിക്കാര്‍ക്കുവേണ്ടിയുള്ളതാണ് ഹെല്‍ത്ത് കെയര്‍ ഫണ്ട്. 1953 ല്‍ ആണ് ഇത് സ്ഥാപിച്ചത്.
