നൈജീരിയ: സന്നദ്ധ പ്രവര്‍ത്തകരായ അഞ്ചു പേരെ ഇസ്ലാമിക ഭീകരര്‍ വെടിവച്ചു കൊന്നു. കൊല്ലുന്നതിന്റെ വീഡിയോ ഓണ്‍ലൈനില്‍ പോസ്റ്റ് ചെയ്യുകയും ചെയ്തു.
മുസ്ലീം സമൂദായത്തില്‍ നിന്ന് ക്രിസ്തുമതത്തിലേക്ക് പരിവര്‍ത്തനം ചെയ്താല്‍ ഇതായിരിക്കും ഫലമെന്ന മുന്നറിയിപ്പും നല്കിയിട്ടുണ്ട്. മുഖം മറച്ച ഭീകരരര്‍ മുട്ടുകുത്തിനില്ക്കുന്ന അഞ്ചുപേരെ ഏകെ 47 കൊണ്ട് വെടിവച്ചുകൊല്ലുന്നതായിട്ടാണ് വീഡിയോ.
ISWAP യാണ് കൊലപാതകത്തിന്റെ ഉത്തരവാദിത്തം ഏറ്റെടുത്തിരിക്കുന്നത്, 35 സെക്കന്റ് ദൈര്‍ഘ്യമേ വീഡിയോയ്ക്കുള്ളൂ. ക്രിസ്തീയതയെ അതില്‍ നിന്ദിക്കുകയും ചെയ്തിട്ടുണ്ട്. ജനുവരിയില്‍ രണ്ടു വീഡിയോകള്‍ ഈ ഭീകരസംഘടന പോസ്റ്റ് ചെയ്തിരുന്നു. ക്രിസ്ത്യന്‍ അസോസിയേഷന്‍ ഓഫ് നൈജീരിയായുടെ ചെയര്‍മാന്‍ റവ. ലാവന്‍ അന്‍ഡിമിയെും 22 വയസുളള ക്രിസ്ത്യന്‍ വിദ്യാര്‍ത്ഥിയെയും കൊല ചെയ്യുന്നതിന്റെ വീഡിയോകളായിരുന്നു അവ.
സന്നദ്ധപ്രവര്‍ത്തകരെ വെടിവച്ചുകൊന്ന സംഭവം ലോകമെങ്ങും അപലപിക്കപ്പെട്ടിട്ടുണ്ട്.
