വത്തിക്കാന്‍ സിറ്റി: ഫ്രാന്‍സിസ് മാര്‍പാപ്പയുടെ പുതിയ ചാക്രികലേഖനം വരുന്നു. മനുഷ്യസാഹോദര്യത്തെക്കുറിച്ചായിരിക്കും ഈ ചാക്രികലേഖനമെന്നാണ് സൂചന. ഇറ്റലിയിലെ ബിഷപ് ഡൊമിനിക്കോ പോംപിലിയാണ് ഇത്തരമൊരു സൂചന നല്കിയത്. എന്നാല്‍ വത്തിക്കാനില്‍ നിന്ന് ഇത് സംബന്ധിച്ച് അറിയിപ്പൊന്നും ലഭിച്ചിട്ടില്ല. 2013 ല്‍ പുറത്തിറക്കിയ ലൂമെന്‍ ഫിദെ, 2015 ല്‍ പുറത്തിറക്കിയ ലൗദാത്തോസീ എന്നിവയാണ് മാര്‍പാപ്പയുടേതായി പുറത്തിറങ്ങിയ ചാക്രികലേഖനങ്ങള്‍.
