ഇറ്റലി: ഇറ്റലിയില്‍ കത്തോലിക്കാ വൈദികനെ കുത്തിക്കൊലപ്പെടുത്തി. ഫാ. റോബര്‍ട്ടോ മാല്‍ഗെസിനി എന്ന 51 കാരന്‍ വൈദികനാണ് കൊലചെയ്യപ്പെട്ടത്. ഇറ്റാലിയന്‍ രൂപതയില്‍ ഭവനരഹിതര്‍ക്കും കുടിയേറ്റക്കാര്‍ക്കും വേണ്ടി സേവനം ചെയ്ത വ്യക്തിയായിരുന്നു അദ്ദേഹം.
നിരവധി കുത്തുകളോടെ ഇടവക ദേവാലയത്തിന്റെ സമീപമുള്ള തെരുവിലാണ് അദ്ദേഹത്തെ കുത്തേറ്റ നിലയില്‍ കണ്ടെത്തിയത്. ഇന്ന് രാവിലെ ഏഴു മണിക്കായിരുന്നു സംഭവം. 53 കാരനായ ട്യൂണീഷക്കാരനെ സംഭവവുമായി ബന്ധപ്പെട്ട് പോലീസ് അറസ്റ്റ് ചെയ്തു. മാനസികരോഗിയാണ് ഇയാളെന്നാണ് കരുതപ്പെടുന്നത്.
