ഇറ്റലി: വിശുദ്ധ പാദ്രെ പിയോയുടെ ആത്മീയസന്താനവും കപ്പൂച്ചിന്‍ വൈദികനുമായ മോഡെസ്റ്റിനോ ദെ പിയറ്റെര്‍ല്‍സിനയുടെ നാമകരണ നടപടികള്‍ക്ക് രൂപതാതലത്തില്‍ തുടക്കം കുറിച്ചു. പാദ്രെപിയോയുടെ ജനനസ്ഥലത്ത് ജനിച്ച മോഡെസ്റ്റിനോ 2011 ഓഗസ്റ്റ് 14 ന് 94 ാം വയസിലാണ് മരണമടഞ്ഞത്. 23 ാം വയസില്‍ പാദ്രെ പിയോയുടെ അടുക്കല്‍കുമ്പസാരിക്കാനെത്തിയതാണ് മോഡെസ്റ്റിനോയുടെ ജീവിതത്തെ മാറ്റിമറിച്ചത്. നേരെ പോകുക എന്ന ഉപദേശം നല്കിയ വിശുദ്ധന്‍ തന്റെ അനുഗ്രഹവും ആ ചെറുപ്പക്കാരന് നല്കി. ബെനഡിക്ടന്‍ സന്യാസസമൂഹത്തില്‍ ചേരാന്‍ ആഗ്രഹം പ്രകടിപ്പിച്ച അദ്ദേഹത്തോട് ഇതല്ല വഴിയെന്നും വിശുദ്ധന്‍ പറഞ്ഞുകൊടുത്തു.
മോഡെസ്റ്റിനോയുടെ പിതാവ് ശുദ്ധീകരണസ്ഥലത്താണെന്ന് പാദ്രെപിയോ അദ്ദേഹത്തോട് പറയുകയുംമോഡെസ്റ്റിനോ പ്രാര്‍ത്ഥിച്ചതിന്റെ ഫലമായി പിതാവിന്റെ ആത്മാവ് ശുദ്ധീകരണസ്ഥലത്ത് നിന്ന് മോചിതനായതിന്റെയും ഒരു കഥകൂടിയുണ്ട്.
