വത്തിക്കാന്‍: വൊക്കേഷനിസ്റ്റ് സന്യാസിനി-സന്യാസ-അല്മായ സഭാസമൂഹങ്ങളുടെ സ്ഥാപകനും ദൈവവിളികളുടെ നേഴ്‌സറി പ്രചാരകനുമായ വാഴ്ത്തപ്പെട്ട ഫാ.ജസ്റ്റിന്‍ മരിയ റുസലീയോ വിശുദ്ധപദവിയിലേക്ക്. അടുത്തവര്‍ഷം സെപ്തംബറിലോ ഒക്ടോബറിലോ ആയിരിക്കും വിശുദ്ധപദപ്രഖ്യാപനം.
1891ജനുവരി 18 ന് ഇറ്റലിയില്‍ ജനിച്ച അദ്ദേഹം 1955 ഓഗസ്റ്റ് രണ്ടിന് സ്വര്‍ഗ്ഗപ്രാപ്തനായി. 2010 ജൂണ്‍ ഒന്നിന് വാഴ്ത്തപ്പെട്ടവനായി. ആഫ്രിക്കയിലെ മഡഗാസ്‌ക്കറിലെ ബ്രദര്‍ ജീന്‍ എമിലെയ്ക്ക് സംഭവിച്ച അത്ഭുതകരമായ രോഗസൗഖ്യമാണ് വിശുദ്ധനായി പ്രഖ്യാപിക്കാന്‍ കാരണമായത്.
