ഇന്ന് ആഗോള കത്തോലിക്കാസഭ പരിശുദ്ധ അമ്മയുടെ അമലോത്ഭവതിരുനാള്‍ ആഘോഷിക്കുന്നു. ഇന്നേ ദിവസം ഉച്ചയ്ക്ക് പന്ത്രണ്ടു മണിമുതല്‍ ഒരു മണിവരെ കൃപയുടെ മണിക്കൂറായി ആചരിക്കുന്നു.
റോസ മിസ്റ്റിക്ക മാതാവ് ഇറ്റലിയിലെ സിസ്റ്റര്‍ പിയറീനയ്ക്ക് പ്രത്യക്ഷപ്പെട്ട് നല്കിയ സന്ദേശം അനുസരിച്ചാണ് ഈ ദിനം കൃപയുടെ ദിവസമായും മണിക്കൂറായും ആചരിക്കുന്നത്. അതിനുസരിച്ച് ഈ മണിക്കൂര്‍ വളരെയധികം ദൈവകൃപ ചൊരിയപ്പെടുന്ന നിമിഷങ്ങളാണ്. കഠിനഹൃദയരായ പാപികള്‍ക്ക് പോലും ദൈവകൃപയുടെ സ്പര്‍ശനം കിട്ടുന്ന നിമിഷം. ഈ തിരുമണിക്കൂറില്‍ നിത്യപിതാവിന് സ്വീകാര്യമായ എന്തു ചോദിച്ചാലും അവ അനുവദിച്ചു കിട്ടും. ഇതിനായി നാം ചെയ്യേണ്ട കാര്യങ്ങള്‍ താഴെ പറയുന്നു.
* വീട്ടിലോ ജോലിസ്ഥലത്തോ ദൈവാലയത്തിലോ ഈ സമയം പ്രാത്ഥനയിൽ നിന്നും നമ്മുടെ ശ്രദ്ധ തിരിക്കാൻ സാധ്യത ഉള്ള എല്ലാത്തിൽ നിന്നും എല്ലാ തിരക്കുകളിൽ നിന്നും അകന്നു ദൈവവുമായി ഐക്യത്തിൽ ആയിരിക്കുക. ( ഈ സമയങ്ങളിൽ മറ്റാരോടും സംസാരിക്കാതെ യും മൊബൈൽ ഫോൺഉം മറ്റും ഉപയോഗിക്കാതെയും പ്രാർത്ഥനയിൽ തടസമുണ്ടാകുന്നവ യിൽ നിന്നും ഒഴിഞ്ഞു മാറാം)* കൈകൾ വിരിച്ചു പിടിച്ചു 51 ആം സങ്കീർത്തനം 3 പ്രാവശ്യം ചൊല്ലി പ്രാർത്ഥിക്കുക.* .ഈശോയുടെ പീഡാനുഭവങ്ങളെ പറ്റി ധ്യാനിച്ചും, ജപമാല ചൊല്ലിയും, തന്റെതായ രീതിയിൽ പ്രാർത്ഥിച്ചും ദൈവത്തെ സ്തുതിച്ചും, പരിശുദ്ദഹത്മാവ് പ്രേരിപ്പിക്കുന്ന പാട്ടുകൾ പാടിയും, സങ്കീർത്തനങ്ങൾ ധ്യാനിച്ചും കൃപയുടെ ഈ മണിക്കൂർ ചിലവഴിക്കുക.
