മുംബൈ: തലോജ ജയിലില്‍ ഫാ. സ്റ്റാന്‍ സ്വാമി അടയ്ക്കപ്പെട്ടിട്ട് ഇന്ന് 100 ദിവസങ്ങള്‍. ഇതോട് അനുബന്ധിച്ച് ഇന്ത്യ മുഴുവന്‍ ഇന്നേ ദിവസം മനുഷ്യാവകാശപ്രവര്‍ത്തകരുടെയും സന്നദ്ധപ്രവര്‍ത്തകരുടെയും നേതൃത്വത്തില്‍ വിവിധ പരിപാടികള്‍ ആസൂത്രണം ചെയ്തിട്ടുണ്ട്. മറുവശത്ത് ഫാ. സ്റ്റാന്‍സ്വാമിയുടെ മോചനത്തിന് വേണ്ടിയുള്ള പ്രാര്‍ത്ഥനകളും ഉയരുന്നു. 2020 ഒക്ടോബര്‍ എട്ടിനാണ് ഫാ.സ്വാമിയെ നാഷനല്‍ ഇന്‍വെസ്റ്റിഗേഷന്‍ ഏജന്‍സി റാഞ്ചിയില്‍ നിന്ന് അദ്ദേഹത്തെ മാവോയിസ്റ്റ് ബന്ധം ആരോപിച്ച് അറസ്റ്റ് ചെയ്തത്. ഭീമ കൊറിഗോണ്‍ സംഭവത്തില്‍ അദ്ദേഹത്തിന് ബന്ധമുണ്ടെന്നായിരുന്നു ആരോപണം. തൊട്ടടുത്ത ദിവസം തന്നെ എന്‍ഐഎ അദ്ദേഹത്തെ ജയിലില്‍ അടച്ചു.
