മാരാമണ്‍: 126 ാമത് മാരാമണ്‍ കണ്‍വന്‍ഷന്‍ ഇന്നുമുതല്‍ 21 വരെ പമ്പാ മണല്‍പ്പുറത്ത് തയ്യാറാക്കിയ പന്തലില്‍ നടക്കും. ഇന്ന് ഉച്ചകഴിഞ്ഞ് മൂന്നിന് മാര്‍ത്തോമ്മാ സഭാധ്യക്ഷന്‍ ഡോ. തിയഡോഷ്യസ് മാര്‍ത്താമ്മോ മെത്രാപ്പോലീത്ത കണ്‍വന്‍ഷന്‍ ഉദ്ഘാടനം ചെയ്യും. മാര്‍ത്തോമ്മാ സുവിശേഷ പ്രസംഗസംഘം പ്രസിഡന്‌റ് യോ യുയാക്കിം മാര്‍ കൂറിലോസ് എപ്പിസ്‌ക്കോപ്പ അധ്യക്ഷത വഹിക്കും.
കോവിഡ് പ്രോട്ടോക്കോള്‍ പാലിച്ചുകൊണ്ടുള്ള കണ്‍വന്‍ഷനിലേക്ക് 200 പേര്‍ക്ക് മാത്രമാണ് പ്രവേശനം. നാളെ മുതല്‍ രാവിലെ 10 നും വൈകുന്നേരം അഞ്ചിനും പൊതുയോഗങ്ങള്‍ ഉണ്ടാകും.
ബുധനാഴ്ച രാവിലെ പത്തിന് എക്യുമെനിക്കല്‍ യോഗത്തില്‍ തൃശൂര്‍ അതിരൂപതാധ്യക്ഷന്‍ ആര്‍ച്ച് ബിഷപ് മാര്‍ ആന്‍ഡ്രൂസ് താഴത്ത് മുഖ്യസന്ദേശം നല്കും.
