കാക്കനാട്: സീറോ മലബാര്‍ സഭയുടെ ഔദ്യോഗിക വാര്‍ത്താപത്രമായ സീറോ മലബാര്‍ വിഷന്‍ പ്രകാശനം ചെയ്തു. കര്‍ദിനാള്‍ മാര്‍ ജോര്‍ജ് ആലഞ്ചേരി കൂരിയ ബിഷപ് മാര്‍ സെബാസ്റ്റ്യന്‍ വാണിയപ്പുരയ്ക്കലിന് നല്കിക്കൊണ്ടാണ് സീറോ മലബാര്‍ വിഷന്റെ പ്രകാശനം നിര്‍വഹിച്ചത്.
സഭയുടെ പൊതുവായ പ്രവര്‍ത്തനങ്ങള്‍,രൂപതകള്‍, സമര്‍പ്പിതസമൂഹങ്ങള്‍, സംഘടനകള്‍. സ്ഥാപനങ്ങള്‍, പ്രസ്ഥാനങ്ങള്‍ എന്നിവയുടെയും ആഗോള സഭയുടെയും പ്രത്യേകിച്ച് സീറോ മലബാര്‍ സഭയുടെയും വാര്‍ത്തകളാണ് സീറോ മലബാര്‍വിഷന്‍ അവതരിപ്പിക്കുന്നത്. മീഡിയ കമ്മീഷന്റെ ആഭിമുഖ്യത്തിലാണ് പത്രം പുറത്തിറങ്ങുന്നത്. എല്ലാ മാസവും ഓണ്‍ലൈനില്‍ വാര്‍ത്താപത്രം ലഭ്യമാകും.
