വത്തിക്കാന്‍ സിറ്റി: വെള്ളം ഒരു വില്പനച്ചരക്കല്ല എന്ന് ഫ്രാന്‍സിസ് മാര്‍പാപ്പ. വിശ്വാസികളായ നമ്മെ സംബന്ധിച്ചിടത്തോളം സഹോദരി വെള്ളം ഒരു വില്പനചരക്കല്ല, മറിച്ച് സാര്‍വത്രികചിഹ്നവും ജീവന്റെയും ആരോഗ്യത്തിന്റെയും ഉറവിടവുമാണ്. എല്ലാവര്‍ക്കും കുടിവെള്ളവും ശുചിത്വവും ഉറപ്പാക്കേണ്ടത് അത്യാവശ്യമാണ്. അനേകര്‍ക്ക് വളരെകുറച്ചുമാത്രമാണ് വെള്ളം ലഭിക്കുന്നത്.
ഒരുപക്ഷേ അവര്‍ക്ക് കിട്ടുന്നത് മലിന ജലമായിരിക്കുകയും ചെയ്യാം. ദൈവദത്തവും അത്ഭുതകരവും പകരം വയ്ക്കാനാവാത്തതുമാണ് ജലം എന്ന ദാനം. ലോകജന ദിനാചരണത്തോട് അനുബന്ധിച്ചുള്ള സന്ദേശത്തിലാണ് പാപ്പ ഇക്കാര്യം പറഞ്ഞത്. ഇന്നായിരുന്നു ലോക ജലദിനം. ജലത്തെ വിലമതിക്കല്‍ എന്നതാണ് ഈ ദിനാചരണത്തിനായി ഐക്യരാഷ്ട്രസഭ തിരഞ്ഞെടുത്തിരിക്കുന്ന വിഷയം.
