കോവിഡ് മൂലം ഈ വര്‍ഷം രണ്ടു മെത്രാന്മാരെ ഭാരതസഭയ്ക്ക് നഷ്ടമായി. പോണ്ടിച്ചേരി-കുഡാലോര്‍ ആര്‍ച്ച് ബിഷപ് എമിരത്തൂസ് ആന്റണിയും മധ്യപ്രദേശിലെ ജാബുവ രൂപത ബിഷപ് ബേസിലുമാണ് കോവിഡ് മൂലം മരണമടഞ്ഞ മെത്രാന്മാര്‍. മെയ് നാലിനാണ് ആര്‍ച്ച് ബിഷപ് ആന്റണി മരണമടഞ്ഞത്. ബിഷപ് ബേസില്‍ മെയ് ആറിനും. ആര്‍ച്ച് ബിഷപ് ആന്റണിക്ക് 75 വയസായിരുന്നു പ്രായം. പോണ്ടിച്ചേരി ഇമ്മാക്കുലേറ്റ് കണ്‍സപ്ഷന്‍ കത്തീഡ്രലില്‍ സംസ്‌കാരം നടത്തി. ഇന്നലെ രാവിലെ പത്തുമണിക്ക് ബിഷപ് ബേസിലിന്റെ സംസ്‌കാരവും നടന്നു.
