മുംബൈ ബാര്‍ജ് ദുരന്തത്തില്‍ നിന്ന് അത്ഭുതകരമായി രക്ഷപ്പെട്ട ഫ്രാന്‍സിസ് കെ സൈമണ്‍ വല്ലാര്‍പാടത്തമ്മയുടെ സന്നിധിയിലെത്തി അടിമ സമര്‍പ്പിച്ചു. ‘വല്ലാര്‍പാടത്തമ്മയുടെ അനുഗ്രഹം കൊണ്ട് മാത്രമാണ് എന്റെ ജീവന്‍ തിരികെ ലഭിച്ചത്. നടുക്കടലില്‍ ഉള്ളുരുകി പ്രാര്‍ത്ഥിക്കുകയായിരുന്നു, ജീവന്‍ തിരിച്ചുകിട്ടുമെന്ന് കരുതിയില്ല, വല്ലാര്‍പാടത്തമ്മ കൈകളില്‍ വച്ച് നേവിയുടെ കപ്പല്‍ എത്തിച്ചതുപോലെയാണ് തോന്നിയത് ‘ എന്ന് ഫ്രാന്‍സിസ് രക്ഷപ്പെട്ടതിന്റെ സന്തോഷം പങ്കുവച്ചിരുന്നു. അരൂര്‍ സ്വദേശിയാണ് ഫ്രാന്‍സിസ് കെ സൈമണ്‍.
