പാലാ: കോവിഡ് രണ്ടാം തരംഗത്തില്‍ കഷ്ടതഅനുഭവിക്കുന്നവര്‍ക്ക് സഹായഹസ്തവുമായ പാലാ രൂപത. രൂപതയുടെ സോഷ്യല്‍ വെല്‍ഫെയര്‍ സൊസൈറ്റി, എസ് എംവൈഎം, ഡിസിഎംഎസ്, ഫാമിലി അപ്പോസ്തലേറ്റ്, ഇവാഞ്ചലൈസേഷന്‍,കുടുംബകൂട്ടായ്മ, എകെസിസി തുടങ്ങി വിവിധ സംഘടനകളുടെ നേതൃത്വത്തിലും ഇടവകപള്ളികളുടെ ആഭിമുഖ്യത്തിലുമാണ് സഹായം എത്തിക്കുന്നത്.
രൂപതയ്ക്കുളളിലെ ഗ്രാമപഞ്ചായത്തുകളിലെ കമ്മ്യൂണിറ്റി കിച്ചണിലേക്ക് പല വ്യഞ്ജന സാധനങ്ങളും ഗ്രാമപ്പഞ്ചായത്തുകളുടെ നേതൃത്വത്തില്‍ തയ്യാറാക്കുന്ന സൗജന്യ ഭക്ഷ്യക്കിറ്റിന് ആവശ്യമായ സാധനസാമഗ്രികളും നല്‍കിവരുന്നു. കമ്മ്യൂണിറ്റി കിച്ചണുകളിലേക്കുള്ള ഭക്ഷ്യോത്പന്നങ്ങളുടെ രൂപതാതല വിതരണോദ്ഘാടനം ബിഷപ് മാര്‍ ജോസഫ് കല്ലറങ്ങാട്ട് നിര്‍വഹിച്ചു.
ആവശ്യക്കാരനിലേക്ക് അവശ്യവസ്തുക്കള്‍ എത്തിച്ചുനല്കുന്നത് സഭയുടെ പാരമ്പര്യവും സുവിശേഷവല്‍ക്കരണവുമാണെന്ന് ബിഷപ് പറഞ്ഞു.
