ബാരുപ്പൂര്‍: വെസ്റ്റ് ബംഗാളിലെ ബാരുപ്പുരിന്റെ പുതിയ ഇടയനായി ബിഷപ് ഷാമോള്‍ ബോസ് നിയമിതനായി. ഫ്രാന്‍സിസ് മാര്‍പാപ്പ മെയ് നാലിനാണ് ഇത് സംബന്ധിച്ച ഉത്തരവ് പുറപ്പെടുവിച്ചത്. നിലവില്‍ രൂപതയിലെ കോ അഡ്ജുറ്റര്‍ ബിഷപ്പായി സേവനം ചെയ്തുവരികയായിരുന്നു. 1961 മാര്‍ച്ച് 24 നായിരുന്നു ജനനം.
1977 ല്‍ രൂപീകൃതമായ ബാരൂപ്പൂര്‍ രൂപതയുടെ മൂന്നാമത്തെ ഇടയനാണ് ഇദ്ദേഹം. 1991 മെയ് അഞ്ചിനാണ് പുരോഹിതനായത്. വെസ്റ്റ് ബംഗാളിലെ യുവജനങ്ങളെ സ്വന്തം ദേശത്തുതന്നെ കാര്യക്ഷമതയോടും കാര്യപ്രാപ്തിയോടും സ്വയം പര്യാപ്തതയോടും കൂടി നിലനിര്‍ത്തണമെന്നാണ് തന്റെ ആഗ്രഹമെന്ന് ബിഷപ് ഷാമോള്‍ ബോസ് പറഞ്ഞു.
വെസ്റ്റ് ബംഗാളിലുള്ള ഭൂരിപക്ഷം ജനങ്ങളും അന്യസംസ്ഥാനങ്ങളിലേക്ക് ജോലിക്കായി കുടിയേറിയിരിക്കുന്നവരാണ്.
