ഈശോ സിനിമയുടെ പോസ്റ്റര്‍ ഇളക്കിവിട്ട കോലാഹലങ്ങള്‍ കെട്ടടങ്ങും മുമ്പ് ക്രൈസ്തവ വിരുദ്ധത പ്രകടമാക്കുന്ന മറ്റൊരു സിനിമാ പോസ്റ്റര്‍ കൂടി പുറത്തിറങ്ങിയിരിക്കുന്നു. ചേര എന്നാണ് ഈ പുതിയ സിനിമയുടെ പേര്. മൈക്കലാഞ്ചലോയുടെ പ്രസിദ്ധമായ പിയാത്തേ ശില്പത്തെ അനുസ്മരിപ്പിക്കുന്ന വിധത്തിലുള്ളതാണ് പോസ്റ്റര്‍. നിമിഷ സജയനും റോഷ്ന്‍ മാത്യുവുമാണ് പോസ്റ്ററിലുള്ളത്. ലിജിന്‍ ജോസാണ് സംവിധായകന്‍. തിരക്കഥ നജീം കോയ. സിനിമയുടെ ഇതിവൃത്തത്തെക്കുറിച്ച് അറിയില്ലെങ്കിലും പോസ്റ്റര്‍ ക്രൈസ്തവരുടെ വൈകാരികതയെ പ്രതികൂലമായിട്ടാണ് ബാധിച്ചിരിക്കുന്നത്.
