ഷംഷാബാദ് : ഷംഷാബാദ് സീറോ മലബാര്‍ രൂപതയുടെ ബിഷപ്പ്സ് ഹൗസ് വെഞ്ചരിപ്പും ഉദ്ഘാടനവും ഇന്ന് ഉച്ചകഴിഞ്ഞ് 4.30ന് നടക്കും. ഹൈദരാബാദ് ആര്‍ച്ച് ബിഷപ് ഡോ. അന്തോണി പൂലാ വചന സന്ദേശം നല്‍കും. പൊതുസമ്മേളനം സീറോ മലബാര്‍ സഭ മേജര്‍ ആര്‍ച്ച് ബിഷപ് കര്‍ദിനാള്‍ മാര്‍ ജോര്‍ജ് ആലഞ്ചേരി ഉദ്ഘാടനം ചെയ്യും. വിശാഖപട്ടണം ആര്‍ച്ച് ബിഷപ്പ് ഡോ. പ്രകാശ് മല്ലവരപ്പു അധ്യക്ഷനായിരിക്കും.
ഷംഷാബാദ് രൂപതാ ബിഷപ്പ് മാര്‍ റാഫേല്‍ തട്ടില്‍, തൃശൂര്‍ ആര്‍ച്ച് ബിഷപ്പ് മാര്‍ ആഡ്രൂസ് താഴത്ത്, അദിലാബാദ് രൂപതാ ബിഷപ്പ് മാര്‍ പ്രിന്‍സ് ആന്റണി പാണേങ്ങാടന്‍, ഉജ്ജെയ്ന്‍ രൂപത ബിഷപ് മാര്‍ സെബാസ്റ്റ്യന്‍ വടക്കേല്‍, നല്‍ഗോണ്ട രൂപത അഡ്മിനിസ്‌ട്രേറ്റര്‍ മോണ്‍. മാര്‍ണേനി ബാലസ്വാമി തുടങ്ങിയവര്‍ പ്രസംഗിക്കും.
