കരസാങ്: നേഴ്‌സുമാര്‍ യഥാര്‍ത്ഥ ഹീറോകളാണെന്ന് മിയാവ് രൂപതാധ്യക്ഷന്‍ ബിഷപ് ജോര്‍ജ് പള്ളിപ്പറമ്പില്‍. കോവിഡ് യുദ്ധക്കളത്തില്‍ പോരാടുന്ന നേഴ്‌സുമാരെ ഉദ്ദേശിച്ചുകൊണ്ടായിരുന്നു അദ്ദേഹം ഈ പരാമര്‍ശം നടത്തിയത്,
അന്താരാഷ്ട്ര നേഴ്‌സസ് ദിനാചരണം ക്രിക്ക് ആന്റ് ബൊറി മെമ്മോറിയല്‍ ഹോസ്പിറ്റലില്‍ ആഘോഷിച്ച ചടങ്ങില്‍ സംസാരിക്കുകയായിരുന്നു അദ്ദേഹം. മനുഷ്യവംശത്തിന് നേഴ്‌സുമാര്‍ ചെയ്തുകൊണ്ടിരിക്കുന്ന മഹത്തായ ത്യാഗങ്ങളെയും സേവനങ്ങളെയും ബിഷപ് ജോര്‍ജ് പള്ളിപ്പറമ്പില്‍ പ്രശംസിച്ചു. ഞങ്ങളുടെയെല്ലാം പ്രാര്‍ത്ഥനകളില്‍ നിങ്ങളുണ്ടായിരിക്കും. വേള്‍ഡ് ഹെല്‍ത്ത് ഓര്‍ഗനൈസേഷന്‍ 2020 നെ നേഴ്‌സസ് ആന്റ് മിഡ് വൈഫറി വര്‍ഷമായി പ്രഖ്യാപിച്ചിട്ടുണ്ട്. ഫ്‌ളോറന്‍സ് നൈറ്റിംഗ്ഗേലിന്റെ ഓര്‍മ്മയ്ക്കായി ആരംഭിച്ചതാണ് നേഴ്‌സസ് ദിനാചരണം.
നൈറ്റിംങ് ഗേലിന്റെ ഇരുനൂറാം ജന്മവാര്‍ഷികമാണ് 2020. നേഴ്‌സിംങ് ദ വേള്‍ഡ് റ്റു ഹെല്‍ത്ത് എന്നതാണ് ഈവര്‍ഷത്തെ ആചരണവിഷയം.
