ന്യൂഡല്‍ഹി: ഹൈദരാബാദ് അതിരൂപതയുടെ ആര്‍ച്ച് ബിഷപ്പായി അന്തോണി പൂലയെ ഫ്രാന്‍സിസ് മാര്‍പാപ്പ നിയമിച്ചു. ആര്‍ച്ച് ബിഷപ് തുമ്മബാല വിരമിച്ചതിനെ തുടര്‍ന്നാണ് പുതിയ നിയമനം. ബിഷപ് പൂല ആന്ധ്രാപ്രദേശിലെ ചിന്ദുക്കര്‍ സ്വദേശിയാണ്. 1961 നവംബര്‍ 15 നാണ് ജനനം. 1992 ഫെബ്രുവരി 20 ന് വൈദികനായി. 46 ാം വയസില്‍ കുര്‍ണൂല്‍ രൂപതയുടെ ബിഷപ്പായി നിയമിതനായി. യൂത്ത് കമ്മീഷന്‍ തെലുങ്കു റീജിയന്റെ ചെയര്‍മാന്‍, പട്ടികവര്‍ഗ്ഗപട്ടികജാതി പിന്നോക്ക വിഭാഗ കമ്മീഷന്‍ ചെയര്‍മാന്‍ എന്നീ നിലകളില്‍ പ്രവര്‍ത്തിച്ചിട്ടുണ്ട്. തെലുങ്ക് കാത്തലിക് ബിഷപ്‌സ് കൗണ്‍സില്‍ സെക്രട്ടറി ജനറലുംട്രഷററുമായും പ്രവര്‍ത്തിച്ചിട്ടുണ്ട്.
