വത്തിക്കാന്‍ സിറ്റി: ആശുപത്രികളെ സാമ്പത്തികമായി സഹായിക്കാനായി ഓണ്‍ലൈന്‍ ലേലത്തോട് സഹകരിക്കാന്‍ ഫ്രാന്‍സിസ് മാര്‍പാപ്പയും. ചാരിറ്റി സ്റ്റാര്‍സ് ഡോട്ട് കോമുമായി സഹകരിച്ചാണ് പാപ്പ തനിക്ക് കിട്ടിയ സൈക്കിള്‍ ലേലത്തിന് വച്ചിരിക്കുന്നത്. മൂന്നുതവണ ലോക റോഡ് റെയ്‌സ് ചാമ്പ്യന്‍ സൈക്കളിസ്റ്റ് പീറ്റര്‍ സാഗന്‍ പാപ്പയ്ക്ക് നല്കിയ സൈക്കിളാണ് ഇത്.
കൂടാതെ പാപ്പായുടെ ഒപ്പോടുകൂടിയ വത്തിക്കാന്‍ സ്‌പോര്‍ട്‌സ് ക്ലബ് ജേഴ്‌സികളും ലേലത്തിനുണ്ട്. ബെര്‍ഗോമയിലെ പോപ്പ് ജോണ്‍ 23 ാമന്‍ ഹോസ്പിറ്റല്‍, ബ്രെഷ്യയിലെ ഹോസ്പിറ്റല്‍ എന്നിവയ്ക്കാണ് ലേലത്തുക ചെല്ലുന്നത്. മെയ് 20 ന് അപ്പസ്‌തോലിക് പാലസില്‍ വച്ച് പാപ്പ ഡോക്ടേഴ്‌സിനെയും മറ്റ് ആരോഗ്യപ്രവര്‍ത്തകരെയും വിശേഷിപ്പിച്ചത് ഹീറോകളായിട്ടായിരുന്നു. തങ്ങളുടെ പ്രഫഷനെ അവര്‍ ദൈവവിളിയായി സ്വീകരിക്കു്ന്നുവെന്നും മറ്റുള്ളവരുടെ ജീവന്‍ രക്ഷിക്കാനായി സ്വന്തം ജീവന്‍ അപകടപ്പെടുത്തുന്നുവെന്നും പാപ്പ അവരെക്കുറിച്ച് പറഞ്ഞിരുന്നു.
