തൃശൂര്‍: കാലിക്കട്ട് യൂണിവേഴ്‌സിറ്റിയില്‍ ക്രിസ്ത്യന്‍ സ്റ്റഡീസില്‍ ഡിഗ്രി ആരംഭിക്കുന്നു. കേരളത്തില്‍ ആദ്യമായിട്ടാണ് ക്രിസ്ത്യന്‍ സ്റ്റഡീസില്‍ ബിഎ പഠനത്തിന് കാലിക്കട്ട് യൂണിവേഴ്‌സിറ്റിയില്‍ വഴിയൊരുങ്ങുന്നത്. ഇതോട് അനുബന്ധിച്ച് ബോര്ഡ് ഓഫ് സ്റ്റഡീസ് യൂണിവേഴ്‌സിറ്റി രൂപീകരിച്ചു.
ഡോ. പി. ജെ വിന്‍സെന്റ്( കണ്ണൂര്‍ യൂണിവേഴ്‌സിറ്റി പരീക്ഷാ കണ്‍ട്രോളര്‍) ആണ് ബോര്ഡ് അധ്യക്ഷന്‍.
റവ. ഡോ പോള്‍ പുളിക്കന്‍, ഫാ.രാജു ചക്കനാട്ട്, സിസ്റ്റര്‍ ഡോ ഷൈനി ജോര്‍ജ്, റവ. ഡോ മാര്‍ട്ടിന്‍ കൊളമ്പ്രത്ത്, റവ ഡോ ജോളി ആന്‍ഡ്രൂസ്, റവ ഡോ പോളച്ചന്‍ കൈത്തോട്ടുങ്ങല്‍, ഡോ. ജോഷി മാത്യു, റവ. ഡോ. ഗാസ്പര്‍ കടവിപ്പറമ്പില്‍, ഡോ. മിലു മരിയ എന്നിവരാണ് ബോര്ഡ് അംഗങ്ങള്‍.
ക്രിസ്ത്യന്‍ സ്റ്റഡീസില്‍ ബിഎ ബിരുദം ഈ വര്‍ഷം തന്നെ മണ്ണുത്തി ഡോണ്‍ ബോസ്‌ക്കോ കോളജില്‍ ആരംഭിക്കാന്‍ പദ്ധതിയുണ്ട്.
