ഈജിപ്ത്: നവംബറില്‍ തട്ടിക്കൊണ്ടുപോയ കോപ്റ്റിക് ക്രൈസ്തവനെ ഐഎസ് ഐഎസ് കൊലപെടുത്തുന്ന ദൃശ്യങ്ങള്‍ പകര്‍ത്തിയ വീഡിയോ പുറത്ത്. 13 മിനിറ്റ് ദൈര്‍ഘ്യമുള്ളതാണ് ഈ വീഡിയോ. കഴിഞ്ഞ ശനിയാഴ്ച മുതല്‍ ഇസ്ലാമിക് സ്‌റ്റേറ്റ് പ്ലാറ്റ്‌ഫോമുകളില്‍ ഈ വീഡിയോ പ്രചരിച്ചുകൊണ്ടിരിക്കുകയാണ്. നാബില്‍ ഹബാസി സലാമ എന്ന 62 കാരനെ മരുഭൂമിയില്‍ വച്ച് വെടിവച്ചുകൊല്ലുന്നതാണ് വീഡിയോയില്‍ ചിത്രീകരിച്ചിരിക്കുന്നത്.
കോപ്റ്റിക് ഓര്‍ത്തഡോക്‌സ് സഭാംഗവും ബിസിനസുകാരനുമാണ് നാബില്‍. മുട്ടുകുത്തിനില്ക്കുന്ന നബീലിനെയും തോക്കുമായി സമീപത്തുനില്ക്കുന്ന മൂന്നു ഭീകരരെയും വീഡിയോയില്‍ കാണാം. ഈജിപ്തിലെ പട്ടാളത്തെ സഹായിച്ചുകൊണ്ടിരിക്കുന്ന ഈജിപ്തിലെ ക്രൈസ്തവരെ നിങ്ങള്‍ക്കുളള സമ്മാനമാണ് ഇത്.വീഡിയോയില്‍ പറയുന്നു.
2020 നവംബറിലാണ് നോര്‍ത്തേണ്‍ സീനായിയില്‍ നിന്ന് ഇദ്ദേഹത്തെ തട്ടിക്കൊണ്ടുപോയത്. 5 മില്യന്‍ ഈജിപ്ഷ്യന്‍ പൗണ്ടായിരുന്നു മോചനദ്രവ്യമായി ആവശ്യപ്പെട്ടിരുന്നത്.
