കെയ്‌റോ: മനുഷ്യമനസ്സാക്ഷിയെ നടുക്കിക്കളഞ്ഞ ആ കൂട്ടക്കുരുതിയും അതിന് കാരണമായ വിശ്വാസജീവിതവും വെളളിത്തിരയിലേക്ക്. ഓര്‍ക്കുന്നില്ലേ കടല്‍ത്തീരത്ത് നിരത്തിനിര്‍ത്തി ഐഎസ് ഭീകരര്‍ കഴുത്ത് ഛേദിച്ചു കൊലപ്പെടുത്തിയ കോപ്റ്റിക് ക്രൈസ്തവരെ? അവരുടെ ജീവിതമാണ് മാര്‍ട്ടയേഴ്‌സ് ഓഫ് ദ ഫെയ്ത്ത് ആന്റ് ദ നേഷന്‍ എന്ന പേരില്‍ സിനിമയാകുന്നത്.
2015 ല്‍ ആയിരുന്നു ആ ക്രൂരകൃത്യം അരങ്ങേറിയത്. ലിബിയായിലെ തീരദേശ നഗരമായ സിര്‍ട്ടെയിലെ കടല്‍ക്കരയായിരുന്നു ആ ജീവത്യാഗത്തിന് വേദിയായത്. ഐഎസ് ഭീകരരുടെ ക്രൂരത ലോകത്തിന് ആദ്യമായി വെളിവാക്കപ്പെട്ടതും ഈ വീഡിയോയിലൂടെയായിരുന്നു.
ഇന്ന് കോപ്റ്റിക് സഭയിലെ രക്തസാക്ഷികളായിട്ടാണ് ഇവരെ വണങ്ങുന്നത്.
