ഹൂസ്റ്റണ്‍: വിരമിച്ച രണ്ടു മെത്രാന്മാരുള്‍പ്പടെ നാലു വൈദികര്‍ക്ക് കോവിഡ് 19 പോസിറ്റീവ്. ഗാല്‍വെസ്റ്റണ്‍-ഹൂസ്റ്റണ്‍ അതിരൂപത ഇന്നലെയാണ് ഇതു സംബന്ധിച്ച പത്രക്കുറിപ്പ് പുറപ്പെടുവിച്ചത്.
ആര്‍ച്ച് ബിഷപ് എമിരത്തൂസ് ജോസഫ് ഫിയോറെന്‍സ, ആക്‌സിലറി ബിഷപ് എമിരത്തൂസ് വിന്‍സെന്റ് റിസോട്ടോ എന്നിവര്‍ക്കാണ് കോവിഡ് 19 സ്ഥിരീകരിച്ചത്. മറ്റ് രണ്ടുവൈദികരുടെ പേര് വെളിപെടുത്തിയിട്ടില്ല.
18 വൈദികരാണ് വൈദികമന്ദിരത്തില്‍ താമസിക്കുന്നത്. 12 പേരുടെ ഫലം നെഗറ്റീവാണ്. രണ്ടുപേരുടെ ഫലം പുറത്തുവന്നിട്ടില്ല. കഴിഞ്ഞ രണ്ടാഴ്ച കൊണ്ട് രണ്ടായിരത്തില്‍ നിന്ന് അയ്യായിരമായി രോഗികളുടെ എണ്ണം വര്‍ദ്ധിച്ചിട്ടുണ്ട്. രോഗികളായ എല്ലാവര്‍ക്കും വേണ്ടി പ്രാര്‍ത്ഥിക്കണമെന്ന് അതിരൂപതയുടെ പത്രക്കുറിപ്പ് അഭ്യര്‍ത്ഥിച്ചു.
