ന്യൂഡല്‍ഹി: ദിവസങ്ങളായി തുടരുന്ന കര്‍ഷകസമരത്തിന് പിന്തുണയുമായി സന്യസ്തരും. വിവിധ സന്യാസസഭകളിലെ അംഗങ്ങളാണ് കര്‍ഷകരോട് ഐകദാര്‍ഢ്യം പ്രഖ്യാപിച്ചുകൊണ്ട് സമരവേദിയിലെത്തിയത്. ഞങ്ങള്‍ അവരോട് പറഞ്ഞു, ഞങ്ങള്‍ നിങ്ങള്‍ക്കൊപ്പമുണ്ട്, ഞങ്ങളുടെ പ്രാര്‍ത്ഥനകളുണ്ട്. ദൈവം നിങ്ങള്‍ക്ക് വിജയം നല്കുമെന്ന് ഞങ്ങള്‍ അവരോട് പറഞ്ഞു. സിസ്റ്റേഴ്‌സ് ഓഫ് സെന്റ് ആന്‍സ് കോണ്‍ഗ്രിഗേഷനിലെ മുന്‍ സുപ്പീരിയര്‍ ജനറല്‍ സിസ്റ്റര്‍ ജോവാക്കിം മാധ്യമങ്ങളോട് പറഞ്ഞു. കര്‍ഷകര്‍ക്ക് ഞങ്ങളെ കണ്ടപ്പോള്‍ സന്തോഷമായി. അവര്‍ തങ്ങളുടെ വേദനകള്‍ പങ്കുവച്ചു. ഇതൊരു മനുഷ്യാവകാശ പ്രശ്‌നമാണ്. സിസ്റ്റര്‍ ഇനീഗോ പറഞ്ഞു.
