കൊല്‍ക്കൊത്ത: ഇന്ത്യയിലെ ഫിലിം സ്റ്റുഡിയോകളുടെ പിതാവായ ഫാ. ഗാസ്റ്റണ്‍ റോബെര്‍ഗ് ഇന്ന് രാവിലെ അന്തരിച്ചു. 85 വയസായിരുന്നു. സത്യജിത്ത് റായ് പോലെയുള്ള പ്രഗത്ഭരും മുതിര്‍ന്നവരുമായ ചലച്ചിത്രസ്രഷ്ടാക്കളുമായി സഹകരിച്ച് പ്രവര്‍ത്തിക്കാന്‍ ഈശോസഭാംഗമായ ഇദ്ദേഹത്തിന് അവസരം ലഭിച്ചിരുന്നു. 1970 ല്‍ അദ്ദേഹം തുടങ്ങിവച്ച ചിത്രവാണിയാണ് ഈസ്‌റ്റേണ്‍ ഇന്ത്യയിലെ ഏറ്റവും പഴക്കമുള്ള മീഡിയ ട്രെയിനിംങ് സെന്റര്‍. സെന്റ് സേവേഴ്‌സ് കോളജിന്റെ എക്‌സ്റ്റന്‍ഷന്‍ സെന്ററായിട്ടായിരുന്നു ആരംഭിച്ചത്. കനേഡിയന്‍ മിഷനറിയായിരുന്നു.
പ്രഭാതഭക്ഷണവും ദിവ്യകാരുണ്യവും സ്വീകരിച്ചതിന് ശേഷം ശാന്തമായിട്ടായിരുന്നു അദ്ദേഹം കടന്നുപോയത്. സംസ്‌കാരം 28 ന് രാവിലെ 11 മണിക്ക് ധ്യാന്‍ ആശ്രമത്തില്‍ നടക്കും.
