റോം:സാന്താ അനസ്താസിയ മൈനര്‍ ബസിലിക്കയുടെ റെക്ടറായി ഫാ. ബാബു പാണാട്ടുപറമ്പില്‍ സെപ്തംബര്‍ ഒന്ന് ചുമതല ഏറ്റെടുക്കും. സീറോമലബാര്‍ സഭയ്ക്കു റോം രൂപത കൈമാറിയ ദേവാലയാണ് സാന്താ അനസ്താസിയ മൈനര്‍ ബസിലിക്ക. ജൂലൈ 18 നായിരുന്നു ഇത് സംബന്ധിച്ച ഔദ്യോഗികപ്രഖ്യാപനം നടന്നത്. റോമിലെ സീറോ മലബാര്‍ സഭാ വിശ്വാസികളുടെ ചാപ്ലയ്‌നന്റെ ചുമതലകൂടിയുണ്ട് ഇദ്ദേഹത്തിന്.
തൃശൂര്‍ പുതുക്കാട് സ്വദേശിയാണ് ഫാ. ബാബു പാണാട്ടുപറമ്പില്‍. 1990 ല്‍ വൈദികനായി. രൂപതയിലെ വിവിധ പദവികളില്‍ സ്തുത്യര്‍ഹമായ സേവനം കാഴ്ചവച്ചതിന് ശേഷമാണ് പുതിയ നിയോഗം ഇദ്ദേഹത്തെ തേടിയെത്തിയിരിക്കുന്നത്.
