കാക്കനാട്: സീറോ മലബാര്‍ സഭയുടെ മേജര്‍ ആര്‍ച്ച് ബിഷപ്പിന്റെ റോമിലെ വൈസ് പ്രൊക്യുറേറ്ററായി തലശ്ശേരി അതിരൂപതാംഗമായ ഫാ. ബിജു മുട്ടത്തുകുന്നേലിനെ കര്‍ദിനാള്‍ മാര്‍ ജോര്‍ജ് ആലഞ്ചേരി നിയമിച്ചു. നിലവില്‍ റോമിലെ സീറോ മലബാര്‍ സഭയുടെ ഭവനമായ പ്രൊക്യൂറയില്‍ സേവനം ചെയ്തുവരികയാണ്.
2011 മുതല്‍ മാര്‍ സ്റ്റീഫന്‍ ചിറപ്പണത്തായിരുന്നു പ്രൊക്യുറേറ്ററായി സേവനം ചെയ്തിരുന്നത്. 2007ലാണ് ബിജു മുട്ടത്തുകുന്നേല്‍ വൈദികനായത്. റോമിലെ പൊന്തിഫിക്കല്‍ ഓറിയന്റല്‍ ഇന്‍സ്റ്റിറ്റ്യൂട്ടില്‍ നിന്ന് പൗരസ്ത്യകാനന്‍ നിയമത്തില്‍ ബിരുദാനന്തരബിരുദവും ലാറ്ററന്‍ യൂണിവേഴ്‌സിറ്റിയില്‍ നിന്ന് സഭാനിയമത്തില്‍ ഡോക്ടറേറ്റും നേടിയിട്ടുണ്ട്.
