തിരുവനന്തപുരം: വാഹനാപകടത്തില്‍ മരണമടഞ്ഞ യുവവൈദികന്‍ ഫാ. സാം പുതുവേലിന്റെ സംസ്‌കാരം ഇന്ന് മൂന്നുമണിക്ക് ആര്യങ്കാവ് സെന്റ് ജോര്‍ജ് മലങ്കര കത്തോലിക്കാസഭ പള്ളിയില്‍ നടക്കും. മേജര്‍ ആര്‍ച്ച് ബിഷപ് കര്‍ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവ സംസ്‌കാരച്ചടങ്ങുകള്‍ക്ക് കാര്‍മ്മികനായിരിക്കും.
ആന്ധ്രയില്‍ വച്ചുണ്ടായ വാഹനാപകടത്തില്‍ ചികിത്സയിലിരിക്കവെയായിരുന്നു മരണം. അച്ചന്‍ സഞ്ചരിച്ചിരുന്ന ബൈക്കില്‍ ലോറി വന്നിടിക്കുകയായിരുന്നു.
സംസ്‌കാരശുശ്രൂഷകളില്‍ രാവിലെ 7.30 മുതല്‍ തത്സമയ സംപ്രേഷണം www. aemlive.com വഴി പങ്കെടുക്കാവുന്നതാണ്.
