വാഴക്കുളം: ഇന്‍ഫാം സംസ്ഥാനതല കര്‍ഷകദിനാചരണം നാളെ കൊച്ചിയില്‍ നടക്കും. രാവിലെ പത്തിന് കാക്കനാട് മൗണ്ട് സെന്റ് തോമസില്‍ ചേരുന്ന യോഗം കെസിബിസി പ്രസിഡന്റ് മേജര്‍ ആര്‍ച്ച് ബിഷപ് കര്‍ദിനാള്‍ മാര്‍ ജോര്‍ജ് ആലഞ്ചേരി ഉദ്ഘാടനം ചെയ്യും.
ഇന്‍ഫാം സംസ്ഥാന പ്രസിഡന്റ് ജോസ് എടപ്പാട്ട് യോഗത്തില്‍ അധ്യക്ഷത വഹിക്കും. സംസ്ഥാന ഡയറക്ടര്‍ ഫാ. ജോസ് മോനിപ്പള്ളില്‍ സ്വാഗതമാശംസിക്കും. കെസിബിസി ഡെപ്യൂട്ടി സെക്രട്ടറി ജനറല്‍ ഫാ. ജേക്കബ് പാലയ്ക്കാപ്പിള്ളി ആശംസ അര്‍പ്പിക്കും. കര്‍ഷകര്‍ നേരിടുന്ന പ്രശ്‌നങ്ങളില്‍ ഇന്‍ഫാം നിലപാട് സംബന്ധിച്ച് ദേശീയ സെക്രട്ടറി ജനറല്‍ ഷെവ. അഡ്വ. വി. സി സെബാസ്റ്റ്യന്‍ വിഷയാവതരണം നടത്തും.
