ബ്രൂക്കലൈന്‍: ഈ മാസം ആദ്യം ആക്രമിക്കപ്പെട്ട ബ്രൂക്ക് ലൈന്‍ ഇടവകയ്ക്ക് നൈറ്റ്‌സ് ഓഫ് കൊളംബസ് സാമ്പത്തികസഹായം നല്കി. ഔര്‍ ലേഡി ഓഫ് സൊളാസ് ദേവാലയത്തിനാണ് സാമ്പത്തികസഹായം ലഭിച്ചത്. ആയിരം ഡോളറാണ് നല്കിയത്്.
ഗ്വാഡലൂപ്പെ മാതാവിന്റെ രൂപമാണ് ഇവിടെ ആക്രമിക്കപ്പെട്ടത്. സെപ്തംബര്‍ 11 നായിരുന്നു സംഭവം. കത്തോലിക്കാവിശുദ്ധരൂപങ്ങളും ദേവാലയങ്ങളും ആക്രമിക്കപ്പെടുന്നത് മതസ്വാതന്ത്ര്യത്തിന് നേരെയുള്ള ഗുരുതരമായ തെറ്റാണ്. ഫ്രാന്‍സിസ് മാര്‍പാപ്പയോടും മെത്രാന്മാരോടും എല്ലാ വിശ്വാസികളോടും ചേര്‍ന്ന് ഞങ്ങള്‍ അക്രമത്തിനും വിദ്വേഷത്തിനും എതിരെ നിലകൊള്ളുന്നു. സുപ്രീം നൈറ്റ് കാള്‍ ആന്‍ഡേഴ്‌സ്ണ്‍ പറയുന്നു.
ഗാഡ്വെലൂപ്പെ മാതാവിന്റെ തിരുനാള്‍ ദിനമായ ഡിസംബര്‍ 12 ന് മുമ്പ് തകര്‍ക്കപ്പെട്ട രൂപം പുനനിര്‍മ്മിക്കാന്‍ കഴിയുമെന്നാണ് പ്രതീക്ഷിക്കുന്നതെന്ന് ഇടവക അഡ്മിനിസ്‌ട്രേറ്റര്‍ ഫാ. ജാവെര്‍ ഫ്‌ളോറസ് പറഞ്ഞു.
