കോട്ടയം: കോട്ടയം അതിരൂപതയുടെ നിയുക്തസഹായമെത്രാനായി ഫാ. ജോര്ജ് കുരിശുംമൂട്ടിലിനെ ഫ്രാന്‍സിസ് മാര്‍പാപ്പ നിയമിച്ചു. പരേതരായ അലക്‌സാണ്ടര്‍- അച്ചാമ്മ ദമ്പതികളുടെ മൂന്നാമത്തെ മകനാണ്. 1961 ഓഗസ്റ്റ് ഒമ്പതിനാണ് ജനനം. 1987 ഡിസംബര്‍ 28 ന് പുരോഹിതനായി. അതിരൂപത മൈനര്‍ സെമിനാരി റെക്ടര്‍. ബാംഗ്ലൂര്‍ ഗുരുകുലം വൈസ് റെക്ടര്‍ എന്നീ പദവികള്‍വഹിച്ചിട്ടുണ്ട്. ഐക്കേണോഗ്രഫിയില്‍ മാസ്റ്റര്‍ ബിരുദം നേടിയ വ്യക്തിയാണ്. വടവാതൂര്‍ സെമിനാരി, തിരുവല്ല സെന്റ് ജോണ്‍സ് കത്തീഡ്രല്‍ തുടങ്ങിയ വിവിധ ദേവാലയങ്ങളില്‍ ഇദ്ദേഹം വരച്ചിട്ടുള്ള ഐക്കണുകള്‍ പ്രതിഷ്ഠിച്ചിട്ടുണ്ട്.
മെത്രാഭിഷേക തീയതി പിന്നീട് തീരുമാനിക്കും.
