തിരുവനന്തപുരം: ആരാധനാലയങ്ങളില്‍ പോകുന്നവര്‍ക്ക് ലോക്ക് ഡൗണ്‍ കാലത്ത് ഇളവ് അനുവദിച്ചു. ഞായറാഴ്ചകളില്‍ നടപ്പാക്കി വന്നിരുന്ന സമ്പൂര്‍ണ്ണ ലോക്ക് ഡൗണില്‍ ഇളവ് അനുവദിച്ചതോടെയാണ് ആരാധനാലയങ്ങളില്‍ പോകുന്നവര്‍ക്കും ഇളവ് ലഭിക്കുന്നത്. കൂടാതെ പരീക്ഷകളില്‍ പങ്കെടുക്കുന്ന വിദ്യാര്‍ത്ഥികള്‍ക്കും ഇളവ് അനുവദിച്ചിട്ടുണ്ട്.
ജൂണ്‍ എട്ടുമുതല്‍ ആരാധനാലയങ്ങള്‍ക്ക് പ്രവര്‍ത്തിക്കാന്‍ അനുമതി നല്കിയിരുന്നു. എങ്കിലും സീറോ മലബാര്‍ സഭയിലെ പല രൂപതകളിലും വിശുദ്ധ കുര്‍ബാനകള്‍ അര്‍പ്പിക്കപ്പെടുന്നില്ല. കോവിഡ് വ്യാപനത്തെഭയന്നാണ് ഇങ്ങനെയൊരു തീരുമാനം എടുത്തിരിക്കുന്നത്.
