മാന്നാനം: വിശുദ്ധ ചാവറ കുര്യാക്കോസ് ഏലിയാസച്ചന്റെ തിരുനാളിന് മാന്നാനം ആശ്രമ ദേവാലയത്തില്‍ കൊടിയേറി. തിരുനാള്‍ ജനുവരി മൂന്നിന് സമാപിക്കും. കോവിഡ് പ്രോട്ടോക്കോള്‍ അനുസരിച്ച് നടത്തുന്ന തിരുനാളില്‍ നേര്‍ച്ച ഭക്ഷണ വിതരണമോ വിശ്വാസികളെ പങ്കെടുപ്പിച്ചുകൊണ്ടുള്ള പ്രദക്ഷിണമോ ഉണ്ടായിരിക്കുകയില്ല.
പ്രധാന തിരുനാള്‍ ദിനമായ മൂന്നിന് രാവിലെ 6.30, എട്ട്, 9.15,വൈകുന്നേരം 4.30 എന്നീ സമയങ്ങളില്‍ വിശുദ്ധ കുര്‍ബാനയുണ്ടായിരിക്കും. 4.30 ന്റെ തിരുനാള്‍ കുര്‍ബാനയ്ക്ക് ചങ്ങനാശ്ശേരി ആര്‍ച്ച് ബിഷപ് മാര്‍ ജോസഫ് പെരുന്തോട്ടം മുഖ്യകാര്‍മ്മികത്വം വഹിക്കും.
