നൈജീരിയ: ആയുധധാരികള്‍ കത്തോലിക്കാ വൈദികനെ കൊലപ്പെടുത്തി. മറ്റൊരു വൈദികനെ തട്ടിക്കൊണ്ടുപോകുകയും ചെയ്തു. ഇന്ന് രാവിലെയാണ്‌സംഭവം.സോക്കോട്ടോ രൂപതയിലെ സെന്റ് വിന്‍സെന്റ് ഫെറര്‍ കത്തോലിക്കാ ദേവാലയത്തിലെ ഫാ. അല്‍ഫോന്‍സസ് ബെല്ലോയാണ് കൊല്ലപ്പെട്ടത്. 33 വയസായിരുന്നു. 75 കാരനായ ഫാ. ജോ കെക്കെയ്‌ക്കൊപ്പമാണ് ഫാ. ബെല്ലോയെ തട്ടിക്കൊണ്ടുപോയത്. ഇപ്പോഴും ഫാ. ജോയ്‌ക്കെുറിച്ച് വിവരമൊന്നുമില്ല.
മെയ് 17 ന്് കാഡുന അതിരൂപതയില്‍ നിന്ന് ഒരു വൈദികനെ ഉള്‍പ്പടെ പത്തു പേരെ അക്രമികള്‍ തട്ടിക്കൊണ്ടുപോയിരുന്നു. എട്ടുപേര്‍ കൊല്ല്‌പ്പെടുകയും ചെയ്തിരുന്നു.
ഫാ. ബെല്ലോയുടെ ആത്മാവിന്റെ നിത്യശാന്തിക്കുവേണ്ടിയും ഫാ. ജോയുടെ സുരക്ഷിതമായ മടങ്ങിവരവിന് വേണ്ടിയും പ്രാര്‍ത്ഥിക്കണമെന്ന് ചാന്‍സലര്‍ ഫാ. കോര്‍ണേലിയസ് അഭ്യര്‍ത്ഥിച്ചു.
