കൊല്ലം: കന്യാസ്ത്രീയെ കിണറ്റില്‍ മരിച്ച നിലയില്‍ കണ്ടെത്തി. പയസ് വര്‍ക്കേഴ്‌സ് ഓഫ് സെന്റ് ജോസഫ് സന്യാസിനി സമൂഹാംഗമായ സിസ്റ്റര്‍ മേബിള്‍ ജോസഫിന്റെ മൃതദേഹമാണ് കിണറ്റില്‍ നിന്ന് കണ്ടെടുത്തത്. മുറിയില്‍ ആത്മഹത്യാക്കുറിപ്പ് കണ്ടെത്തി. ഇന്ന് രാവിലെയാണ് സംഭവം. രാവിലെ പള്ളിയില്‍ വരാത്തതിനെ തുടര്‍ന്നുള്ള മുറിയിലെ അന്വേഷണത്തില്‍ ആത്മഹത്യാക്കുറിപ്പ് കണ്ടെത്തുകയും ഞാന്‍ കിണറ്റിലുണ്ടാകും എന്ന കുറിപ്പിലെ വരിയനുസരിച്ചുള്ള അന്വേഷണത്തില്‍ മഠത്തിനോട് ചേര്‍ന്നുള്ള കിണറ്റില്‍ മൃതദേഹം കണ്ടെത്തുകയുമായിരുന്നു.
ആരോഗ്യപ്രശ്‌നങ്ങളും അലര്‍ജിയും മൂലമാണ് ആത്മഹത്യ ചെയ്യുന്നതെന്ന് കുറിച്ച കുറിപ്പില്‍ എല്ലാവരും തന്നോട് ക്ഷമിക്കണമെന്നും ഈ മരണത്തില്‍ ആര്‍ക്കും പങ്കില്ലെന്നും അറിയിച്ചിട്ടുണ്ട്.
