പാലക്കാട്: പാലക്കാട് രൂപതയുടെ പ്രഥമ സഹായമെത്രാനായി ഇന്ന് മോണ്‍. പീറ്റര്‍ കൊച്ചുപുരയ്ക്കല്‍ അഭിഷിക്തനാകും. രാവിലെ പത്തരയക്ക് ചക്കാന്തറ സെന്റ് റാഫേല്‍സ് കത്തീഡ്രലില്‍ ചടങ്ങുകള്‍ ആരംഭിക്കും.
പാലക്കാട് രൂപതാധ്യക്ഷന്‍ മാര്‍ ജേക്കബ് മനത്തോടത്ത് നിയുക്ത മെത്രാനെ അഭിഷേകം ചെയ്യും. ആര്‍ച്ച് ബിഷപ് മാര്‍ ആന്‍ഡ്രൂസ് താഴത്ത്, മാര്‍ ജോസഫ് കല്ലറങ്ങാട്ട്, മാര്‍ പോളി കണ്ണൂക്കാടന്‍ എന്നിവര്‍ സഹകാര്‍മ്മികരും ഫാ. മാത്യു ഇല്ലത്തുപറമ്പില്‍ ആര്‍ച്ച് ഡീക്കനുമായിരിക്കും. കോവിഡ് പശ്ചാത്തലത്തില്‍ പങ്കെടുക്കുന്നവരുടെ എണ്ണം പരിമിതപ്പെടുത്തിയിട്ടുണ്ട്. ച
ടങ്ങുകള്‍ പാലക്കാട് രൂപതയുടെ വെബ്‌സൈറ്റ്, ഫേസ്ബുക്ക്, യൂട്യൂബ് ചാനല്‍ എന്നിവ വഴിയും ഷെക്കെയ്‌ന ടിവി വഴിയും സംപ്രേഷണം ചെയ്യും.
