അസ്സീസി: ഫ്രാന്‍സിസ് മാര്‍പാപ്പ പുതിയ ചാക്രികലേഖനത്തില്‍ ഒപ്പുവച്ചു. എല്ലാവരും സഹോദരര്‍ എന്നതാണ് ചാക്രികലേഖനത്തിന്റെ പേര്. ഇന്ന് അസ്സീസി സന്ദര്‍ശനത്തോട് അനുബന്ധിച്ചാണ് പാപ്പ ചാക്രികലേഖനത്തില്‍ ഒപ്പുവച്ചത്. കോവിഡ് പകര്‍ച്ചവ്യാധിക്ക് ശേഷം റോമിന് വെളിയിലേക്കുള്ള പാപ്പായുടെ ആദ്യ സന്ദര്‍ശനമാണ് ഇത്. ഫ്രാന്‍സിസ് അസ്സീസിയുടെ കബറിടത്തില്‍ കുര്‍ബാന അര്‍പ്പിച്ചതിന് ശേഷമാണ് പാപ്പ ചാക്രികലേഖനത്തില്‍ ഒപ്പുവച്ചത്. നാളെ ചാക്രികലേഖനം പ്രസിദ്ധീകരിക്കും.
