വത്തിക്കാന്‍ സിറ്റി: ഇറാക്ക് പര്യടനത്തോട് അനുബന്ധിച്ച് പ്രാര്‍ത്ഥനാസഹായം അഭ്യര്‍ത്ഥിച്ചുകൊണ്ട് ഫ്രാന്‍സിസ് മാര്‍പാപ്പയുടെ ട്വീറ്റ്. പ്രാര്‍ത്ഥനയോടെ എല്ലാവരും എന്നെ അനുഗമിക്കണമെന്നാണ് പാപ്പ അഭ്യര്‍ത്ഥിച്ചിരിക്കുന്നത്. മൂന്നു ദിവസത്തെ തീര്‍ത്ഥാടനത്തിനായി ഞാന്‍ നാളെ ഇറാക്കിലേക്ക് പോവുകയാണ്. ഇത്രയധികം സഹനം അനുഭവിച്ച ജനതയെ കാണുവാന്‍ ഞാന്‍ ദീര്‍ഘകാലമായി ആഗ്രഹിക്കുന്നു. പ്രാര്‍ത്ഥനയോടെ ഈ അപ്പസ്‌തോലികയാത്രയില്‍ എന്നെ അനുഗമിക്കുവാന്‍ എല്ലാവരോടും ഞാന്‍ അഭ്യര്‍ത്ഥിക്കുന്നു. സാധ്യമായ രീതിയില്‍ ഏറ്റവും മികച്ച ഫലങ്ങള്‍ ചുരുളഴിയുമെന്നും ഞാന്‍ പ്രാര്‍ത്ഥിക്കുന്നു.
മാര്‍ച്ച് അഞ്ചുമുതല്‍ എട്ടുവരെയാണ് ഫ്രാന്‍സിസ് മാര്‍പാപ്പയുടെ ഇറാക്ക് പര്യടനം. ആദ്യമായിട്ടാണ് ഒരു മാര്‍പാപ്പ ഇറാക്ക് സന്ദര്‍ശിക്കുന്നത്.
