വത്തിക്കാന്‍ സിറ്റി: ഫ്രാന്‍സിസ് മാര്‍പാപ്പയുടെ ഇറാക്ക് സന്ദര്‍ശനത്തിന്റെ ലോഗോ പുറത്തിറക്കി. മാര്‍ച്ച് അഞ്ചു മുതല്‍ എട്ടുവരെ തീയതികളിലാണ് അപ്പസ്‌തോലിക പര്യടനം തീര്‍ച്ചപ്പെടുത്തിയിരിക്കുന്നത്. എന്നാല്‍ ഇപ്പോഴത്തെ സാഹചര്യത്തില്‍ യാത്ര എത്രത്തോളം സാധ്യമാകും എന്ന കാര്യത്തെക്കുറിച്ച് സംശയം നിലവിലുണ്ട്. ഫ്രാന്‍സിസ് മാര്‍പാപ്പ തന്നെ ഇക്കാര്യം അടുത്തയിടെ ഒരു അഭിമുഖത്തില്‍ പങ്കുവച്ചിരുന്നു. ഇറാക്കിലേക്കുള്ള അടുത്ത ട്രിപ്പ് നടക്കുമോ ഇല്ലയോ എന്ന് അറിഞ്ഞുകൂടാ എന്നായിരുന്നു ഞായറാഴ്ച ഒരു ടെലിവിഷന്‍ ഇന്റര്‍വ്യൂവില്‍ പാപ്പ പറഞ്ഞത്.
നിങ്ങള്‍ എല്ലാവരും എന്റെ സഹോദരര്‍ എന്നാണ് പര്യടനത്തിന്‌റെ മുദ്രാവാക്യം. പാപ്പായുടെ പര്യടനത്തെക്കുറിച്ച് ഡിസംബറിലാണ് വത്തിക്കാന്‍ അറിയിച്ചത്. ഇറാക്കിലെ ക്രൈസ്തവര്‍ പ്രതീക്ഷയോടെ കാത്തിരിക്കുന്ന സുദിനമാണ് ഫ്രാന്‍സിസ് മാര്‍പാപ്പയുടെ സന്ദര്‍ശനം.
