വത്തിക്കാന്‍സിറ്റി: വിശുദ്ധ ജോണ്‍ പോള്‍ രണ്ടാമന്റെ തിരുശേഷിപ്പ് മോഷണം പോയി. സ്‌പോലെറ്റോ കത്തീഡ്രല്‍ ബസിലിക്കയില്‍ സൂക്ഷിച്ചിരുന്ന വിശുദ്ധന്റെ രക്തത്തുള്ളിയുടെ തിരുശേഷിപ്പാണ മോഷണം പോയത്. ഇന്നലെ വൈകുന്നേരത്തോടെയാണ് ഇക്കാര്യം ആര്‍ച്ച് ബിഷപ് റെനാറ്റോ അറിയിച്ചത്. ക്രാക്കോവ് ആര്‍ച്ച് ബിഷപ്പില്‍ നിന്ന് 2016 ല്‍ സമ്മാനമായിലഭിച്ചതാണ് ഈ തിരുശേഷിപ്പ്. തിരുശേഷിപ്പ് വിശുദ്ധനോടുള്ള ആദരസൂചകമായി ഒക്ടോബര്‍ 22 ന് പുതിയ ചാപ്പലില്‍സ്ഥാപിക്കാന്‍ അതിരൂപത തീരുമാനിച്ചിരിക്കുമ്പോഴാണ് ഈ അനിഷ്ടസംഭവം. ഈ വര്‍ഷം ജോണ്‍ പോള്‍ രണ്ടാമന്‍ പാപ്പയുടെ നൂറാം ജന്മവാര്‍ഷികമാണ്.
