ജോഹന്നാസ്ബര്‍ഗ്: ഇന്റര്‍നാഷനല്‍ പെന്തക്കോസ്തല്‍ ഹോളിനസ് ചര്‍ച്ചില്‍ നടന്ന വെടിവയ്പില്‍ അഞ്ചുപേര്‍ കൊല്ലപ്പെടുകയും ആറു പേര്‍ക്ക് ഗുരുതരമായ പരിക്കേല്ക്കുകയും ചെയ്തു. നാല്പതോളം പേരെ പോലീസ് അറസ്റ്റ് ചെയ്തു. ആയുധധാരികളായ സംഘം ദേവാലയത്തിലേക്ക് കടന്നുവന്ന് സ്ത്രീകളും കുട്ടികളുമടങ്ങുന്ന വിശ്വാസികളെ ബന്ദികളാക്കാന്‍ ശ്രമിക്കുകയായിരുന്നു.
ഈ പോരാട്ടത്തിലാണ് മരണം സംഭവിച്ചത്. ആയുധധാരികളില്‍ നിന്ന് മുപ്പതിലധികം തോക്കുകളും മറ്റ് മാരകായുധങ്ങളും പിടിച്ചെടുത്തതായി പോലീസ് പറഞ്ഞു. പോലീസ് സ്ഥലത്തെത്തിയാണ് വിശ്വാസികളെ രക്ഷിച്ചത്.
