കാബൂള്‍: കാബൂളില്‍ അകപ്പെട്ട മലയാളിയായ സിസ്റ്റര്‍ തെരേസ ക്രാസ്റ്റ ഇന്ത്യയിലേക്ക്. സിസ്റ്റര്‍ തെരേസ കാബൂള്‍ വിമാനത്താവളത്തിലെത്തിയ വിവരം സഹോദരന്‍ ജോണ്‍ ക്രാസ്റ്റയാണ് അറിയിച്ചത്. വിമാനത്താവളത്തിലെ തിരക്കു കാരണം അകത്തേക്ക് കയറാന്‍ സാധിച്ചിട്ടില്ലെന്നും സഹോദരന്‍ അറിയിച്ചു. കഴിഞ്ഞ രണ്ടു ദിവസമായി ബന്ധുക്കള്‍ക്ക് സിസ്റ്റര്‍ തെരേസയെക്കുറിച്ച് യാതൊരു വിവരവും ലഭിക്കുന്നുണ്ടായിരുന്നില്ല. കഴിഞ്ഞ 17 ന് നാ്ട്ടിലേക്ക് മടങ്ങാന്‍ സിസ്റ്റര്‍ ടിക്കറ്റ് എടുത്തു കാത്തിരിക്കുകയായിരുന്നു. എന്നാല്‍ 15 ാം തീയതി താലിബാന്‍ കാബൂള്‍ കീഴടക്കിയതോടെ അത് സാധിക്കാതെവരികയായിരുന്നു. കാസര്‍ഗോഡ് ബേള പെരിയടുക്ക സ്വദേശിനിയാണ് സിസ്റ്റര്‍ തെരേസ.
