വത്തിക്കാന്‍സിറ്റി: വിശുദ്ധ ജോണ്‍ പോള്‍ രണ്ടാമന്‍ മാര്‍പാപ്പയുടെ ജന്മശതാബ്ദി മെയ് 18 ന് ആചരിക്കുന്നു. അന്നേ ദിവസം വിശുദ്ധന്റെ കബറിടത്തിങ്കല്‍ ഫ്രാന്‍സിസ് മാര്‍പാപ്പ വിശുദ്ധ ബലി അര്‍പ്പിക്കും. വിശുദ്ധ കുര്‍ബാന ലൈവ് സ്ട്രീമിങ്ങിലൂടെ വിശ്വാസികള്‍ക്ക് ലഭിക്കും. പ്രാദേശിക സമയം രാവിലെ ഏഴുമണിക്കാണ് കുര്‍ബാന.
1920 ല്‍ പോളണ്ടിലായിരുന്നു വിശുദ്ധന്റെ ജനനം. 1978 ല്‍ പത്രോസിന്റെ പിന്‍ഗാമിയായി തിരഞ്ഞെടുക്കപ്പെട്ടു. 2005 ല്‍ ദിവംഗതനായ ജോണ്‍ പോളിനെ 2014 ല്‍ വിശുദ്ധ പദവിയിലേക്കുയര്‍ത്തി. ജോണ്‍പോളിന്റെ മാതാപിതാക്കളുടെ നാമകരണനടപടികള്‍ക്കും അടുത്തയിടെ ഔദ്യോഗികമായ തുടക്കം കുറിച്ചു.
